Trukatu beharreko produktuari buruzko informazioa aurkituko dugu, hala nola: deskribapena, kokapen geografikoa, ezaugarriak... Hori bai, modu anonimoan.

Hemen ekoizpen-soberakinak eskain ditzakegu, edo beste prozesu batean lehengai gisa erabil eta balora daitezkeen produktuak eska ditzakegu. Dagoeneko behar ez ditugun gure enpresako makinak edo elementuak eskain ditzakegu, eta, gainera, bigarren eskuko produktuak prezio interesgarrietan aurki ditzakegu.

Informazio-gaiak ireki ditzakegu, foro bat balitz bezala, non ideiak edo hurrengo erosketak parteka ditzakegun, beste erabiltzaile batzuk elkartu ahal izateko eta, horrela, produktuak eta zerbitzuak alokatu edo erosi ahal izateko, horrek dakartzan onurekin batera (ez bakarrik onura ekonomikoekin). Hau da, lankidetza proposa edo eska dezakegu baterako erosketetan, baliabideetan (makineria, instalazioak...), zerbitzuetan (hirugarren enpresei edo enpresen artean), lankidetza-proiektuetan...

 

Argitaratu ahal izango dugu zein proiektutan gauden sartuta edo zeinetan sartu nahi dugun eta beste enpresa batzuei lankidetza eskatu nahi diegun, edo, aitzitik, gure lankidetza eskaini, interesatzen zaizkigun gaietan lan egiteko.

 

Plataformak beste funtzionalitate batzuk ere baditu, hala nola informazio erabilgarria partekatzea, arrakasta kasuak, erosketa- eta lankidetza-foroak... Gustatuko litzaiguke plataforma topagune bihurtzea beren negozioaren iraunkortasunaz arduratzen diren enpresentzat.