Fabrika bisitatu dugu, enpresen kultur eraldaketarako errendimendu handiko zentroa
Arotzgi/Acevik Fabrika bisitatu du, enpresa-kultura eraldatzeko errendimendu handiko zentroa, datorren urtarrilean inauguratuko dena.
03/11/2022
Fabrika enpresen kultur eraldaketarako errendimendu handiko zentroa da. Enpresan harremanak izateko modu berri batekiko kezka Gipuzkoako enpresok 2009an ADEGIn (Gipuzkoako Enpresen Elkartea) kolektiboki hasi genuen bidaia baten jatorria da. Bidaia horrek 2014ko urtarrilean Enpresa Kultura Berria jendaurrean aurkeztea ekarri zuen.
Kultura berria industrializatzeko, ukiarazteko eta nazioartera zabaltzeko bokazioa izan zen bidaia zoragarri honetara eraman gaituen etapa berri baten ernamuina.
Fabrika, enpresen kultur eraldaketarako errendimendu handiko zentroa, 2020ko urtarrilaren 24an aurkeztu zen Euskadiko eta hiru lurraldeetako enpresa- eta erakunde-ordezkari nagusiek parte hartu zuten ekitaldian.
Eta aste honetan zentroa bisitatzen eta zeharkatzen ibili gara, datorren urtarrilean inauguratu baino lehen.
Zer da kultura berria?
Kultura Berriak konfiantzan oinarritutako proiektu partekatu bihurtzen du enpresa. Hau da, oso gurea den paralelismo bat egiten badugu, enpresa traineru bat bezala ulertzen dugu; non denek batera norabide berean arraun egiten duten.
Kultura Berriak funtsezko 8 printzipio biltzen ditu:
Kultura Berriak funtsezko 8 printzipio biltzen ditu:
- Helburu inspiratzailea.
- Konfiantza.
- Balio partekatuak.
- Pertsonen ongizatea.
- Lidergo eraldatzailea.
- Informazio gardena.
- Komunikazio eraginkorra.
- Kudeaketan eta/edo emaitzetan parte hartzea.
Eraikina
Fabrika eraikina bera ere berariaz diseinatu da egiten diren eraldaketa-jardueren inpaktua maximizatzen duten testuinguruak sortzeko.
Gardentasunean oinarrituta, fabrika-industria antolatzeko estiloak alderdi humanistikoagoekin konbinatzen ditu, indoor-outdoor jarduerak egiteko aukera emanez eta arraunaren eta traineruen mundua gogora ekarriz.
Gardentasunean oinarrituta, fabrika-industria antolatzeko estiloak alderdi humanistikoagoekin konbinatzen ditu, indoor-outdoor jarduerak egiteko aukera emanez eta arraunaren eta traineruen mundua gogora ekarriz.
