Arotzgik Zabalduzekin kolaboratzen du Batzen proiektuan
Arotzgi Batzen proiektuaren parte da: Gazte Enplegurako Harrera Sistema
14/02/2023
BATZEN Gazte Enplegurako Harrera Sistema da, eta Gipuzkoako Foru Aldundiaren Babes eta Gizarteratze Sarean sartuta dauden gazte migratu eta autoktonoak gizarteratzea eta laneratzea du helburu.
Enplegu inklusiboaren bidez, dauden zerbitzu eta baliabideekiko osagarritasuna bilatuz, 16 eta 23 urte bitarteko gazteen helduarora igarotzeko prozesuen arrakasta erraztu nahi da.
Horretarako, Gipuzkoako prestakuntza-zentroen, hirugarren sektore sozialeko erakundeen eta agentzien prestakuntza- eta lan-eskaintza baliatzen da.
eta eskualdeko gizarteratze-sareekin koordinatuta, gazteen enplegurako sistema malgua eta egonkorra artikulatu nahi da.
Gipuzkoako enpresa guztiek egin ahal izango diote ekarpena BATZEN sistemari, harrera-enpresa gisa.
Zer da Harrera Enpresa bat?
Harrera-enpresek Gipuzkoako Foru Aldundiaren Babes eta Gizarteratze Sarean emantzipazio-prozesuan dauden gazteen enplegagarritasun-prozesuan lagundu nahi dute.
Gipuzkoan kokatutako edozein enpresa izan daiteke Harrera Enpresa, tamaina edo jarduera edozein dela ere. Helburua konpromiso soziala erakustea da, enpresa bakoitzaren beharren eta gaitasunen arabera.
Hiru modutan gerta daiteke:
- OINARRIZKO konpromiso-maila: enpresetara bisitak, lan-elkarrizketen simulazioak eta hitzaldiak.
- ERDI mailako konpromiso-maila: praktikak/lan-kontratazioa eta lan-poltsa.
- Konpromiso-maila ALTUA: gizarteratzeko helburuak ezartzea, urteko prospekzio-fitxak egitea eta enplegua sortzen laguntzea.
Zer onura lortzen ditu Harrera Enpresa batek?
Zure enpresak Harrera Enpresa izatea erabakitzen badu, emantzipazio-prozesuan dauden gazteak laneratzen laguntzeaz gain, beste onura batzuk ere izango ditu.
- Konpromisoa eta prestakuntza duten eta enpresaren beharrizan profesionaletara egokitzen diren gazteekin batera lan egin ahal izango duzue.
- Enpresaren kontratazio-beharrak modu pertsonalizatuan ase ahal izango dituzue.
- Gizarteratzeko eta laneratzeko erantzukizun sozial korporatiboa garatu ahal izango duzue.
- Enpresaren ikuspena handitzea.
- Aholkularitza juridikoa (lan-harremanak eta atzerritarrei buruzko legea) eta teknikoa (kontratatzeko dirulaguntzak) emango dizkizuegu, doan.
INFORMAZIO GEHIAGO HEMEN.
