"Euskadiko zurezko eraikuntza-enpresa nagusiak, gaitasunen eta produktuen arabera" gida
BASKEGURek, hainbat enpresa eta erakunderekin batera, "Euskadiko zurezko eraikuntza-enpresa nagusiak, gaitasunen eta produktuen arabera" gida argitaratu du.
31/10/2023
Lan hori "Zuraren ondoriozko eraikitze-sistema industrializatu klimatiko neutroak aztertu eta lortzea, eraikuntza-prozesuetan erabiltzeko" proiektuaren parte da, eta bat dator auzo eta hirigintza-ingurune kalteberen berroneratze integralerako euskal estrategia publikoarekin, hiri-eredu inklusiboagoak eta gizatiarragoak egituratzeko.
Basque Green Deal estrategia aukera bat da zurezko eraikuntza-konponbideak garatzeko, erakunde publikoek ingurune ahuletan auzoen berroneratze integrala sustatzeko eta "Euskadi Bultzatu 50" Hiri Agendari lotutako hiri-eredu berriak garatzeko egindako proposamenekin bat egiten dutenak.
Proiektua osatzen duten helburuak honako hauek dira:
• Eraikuntzako sistemen prototipo bat lortzea, non isuritako CO2 isuriak % 50 murriztuko diren, Green Dealen jasotako jarraibideei jarraituz.
• Tokiko zuraren sektoreari protagonismoa ematea, sektore hori dinamizatzen lagunduz, tokiko eta nazioarteko merkatuetan presente dagoen balio-kate berritzaile, erreferente eta lehiakorra sustatzeko.
• Erremonte-prozesua eta birgaitze-prozesua zurezko eraikuntza-sistema jasangarrien aplikazioaren lehentasunezko helburu bihurtzea eta, bereziki, etxebizitza sozialen eta eremu kalteberen berroneratzearen esparruan ezartzea lehenestea.
• Parametroak neurtzeko prozesuetan hobekuntzak aztertzea, hala nola eduki birziklatuen irismena eta etorkizuneko fabrikazio-faseetan kontsumitutako energia.
• Sare zabalago bat eratzea, EAEko eraikuntza-industriako sektore guztiak bilduko dituena, hura biziberritzen lagunduz eta ETEei laguntzeko eta tokiko enplegua bultzatzeko aukera emanez.
• Azterlanaren bidez, erantzun bat ematea, pobrezia energetikoari ez ezik, banakako eta taldeko beste bizitegi-premia batzuei ere, eragindako herritarrei modu aktiboan entzun ondoren.
• BIM txertatzea ekonomia zirkularraren beharretara egoki tutako prozesu integratu bat garatzeko elementu gisa. Zurak eta eraikuntzarako duen erabilerak bilakaera izugarria izan dute azken urteotan, eta material berriak sortu dira fa- brikazio-prozesuetan I+G ezartzeari esker. Katalogo horrek eraikuntza-elementu eta -irtenbide gehienak ezagutzeko aukera ematen du, eta enpresen zerrenda bat ere bai, eraikuntza publiko eta pribatuko preskriptoreek material horiek eskura izan ditzaten.
