Zuraren sektorea digitalizatzeko laguntzak
Laguntzen helburua da Euskal Autonomia Erkidegoko elikatze-katearen eta zuraren industria digitalizatzen laguntzea, lehiakortasuna hobetzeko.
27/08/2024
Laguntza horiek hiru helburu dituzte: alde batetik, enpresei laguntzea sistema digitalak txertatuz digitalizatzen hasten direnean; 4.0 teknologia txertatuz digitalizazio-fase aurreratuan dauden enpresei laguntzea eta Euskal Autonomia Erkidegoko elikaduraren eta zuraren katean eragina duten digitalizazio-proiektu estrategikoak bultzatzea.
Helburu horiek lortzeko, laguntza-ildo hauek ezarri dira:
1) Enpresei digitalizazioan hasten laguntzeko laguntzak.
Enpresa horiek jauzi egin eta sistema digitalak sartu nahi dituzte. Zerbitzuak finantzatzeko aukera izango dute, hala nola digitalizazio integraleko planak edo tresna digitalak sartzea enpresaren jarduera-eremu guztietarako, hala nola elikaduraren eta zuraren balio-kateari lotutako produktuen kudeaketa, ekoizpena edo merkaturatzea, besteak beste. Diruz lagundu daitezkeen jarduerak izango dira, besteak beste, honako jarduera hauekin lotutakoak:
– Soluzio digitalak inplementatzeko diagnostikoak garatzea.
– ERP (Enterprise Resource Planning edo Enpresa Baliabideak Planifikatzeko Sistemak), Business Intelligence edo Negozio Inteligentzia, SMC (Etengabeko Hobekuntza Zerbitzua), prebentziozko mantentzea, hornidura-katearen kudeaketa logistikoa edo beste batzuk enpresan kudeaketa aurreratuko sistemak inplementatzea.
– Produktuaren bizi-zikloaren kudeaketa: CAM (ordenagailuz lagundutako fabrikazioa), CAE (ordenagailuz lagundutako ingeniaritza), PDM (produktuaren datuen kudeaketa) eta DMF (manufaktura digitala) motako aplikazioak ezartzea.
– Merkataritza elektronikoa ezartzea: erosketa elektronikoak, salmenta elektronikoak, B2B (Business to Business) edo B2C (Business-to-Consumer) proiektuak.
– Telelana beren izaeragatik elikatze-katearen eta euskal zuraren sektorearen berezko aldiberekotasun fisiko eta denborazkotasunik gabe egin ahal izatea ahalbidetzen duten zereginetan txertatzeko edo hobetzeko sistemak sustatzea.
– Eskuratutako tresnak martxan jartzeko beharrezkoak diren prestakuntza-jarduerak programatzea eta eskaintzea.
2) Digitalizazio-fase aurreratuan dauden eta elikaduraren eta zuraren balio-kateari lotutako produktuen elaborazioan 4.0 teknologia txertatzea bilatzen duten enpresentzako laguntzak. Diruz lagundu daitezkeen jarduerak izango dira, besteak beste, honako jarduera hauekin lotutakoak:
– Enpresen digitalizazio-egoeraren diagnostikoa, 4.0 teknologien inplementazio-maila baloratzeko.
– Azpiegitura mota hauek garatzea:
• Biltegiratzeko, kontrolatzeko, alertak sortzeko, negozio-analisirako eta txostenak sortzeko oinarrizko funtzionalitateak dituzten plataforma integratuak.
• Datuak biltegiratzeko plataforma digitalekin, kudeaketa-sistema korporatiboekin eta enpresarentzat edo balio-katearentzat garrantzitsuak diren kanpoko datuekin integratzea.
• Makina eta sistema industrial guztiak plataforma digitaletan integratzen amaitzea.
• Zibersegurtasuneko soluzio oso bat ezartzea prozesu industrial guztietan: segurtasun-soluzioak gaitzea intzidentziak eta arrotzak antzemateko eta horiei denbora errealean erantzuteko.
– Digitalizazioa produkzio-prozesuan eta produktuaren kontrola:
• Ikuskapen-sistemak eta sistema sentsoriko aurreratua lantzea.
• Soluzio automatizatuak eta sistema robotikoak planifikatzea eta diseinatzea.
• Prozesu-datu garrantzitsuak lortzea eta integratzea historikoen ekoizpena eta sorkuntza kudeatzeko plataforman.
• Prozesuak optimizatzea, datuak tratatzeko teknikak aplikatuz (machine learning…).
• Prozesuei eta produktuei buruzko datuak plataforman edo hodeian digitalizatzea eta kokatzea.
• Erabiltzailearen interfazea (HMI, Human Machine Interface) soluzio digitalen bidez (adib.: sentsoreak, tableta, etab.) hobetzeko plan bat egitea eta abian jartzea, langileen gaitasunak, prestakuntza (adib.: langile berriak), osasuna eta laneko segurtasuna hobetzeko.
– Elikagaien industriaren eta katearen eta zuraren negozioaren datuak aztertzea:
• Datuak aztertzeko ereduak garatzea machine learning tekniken bidez, etab.
• Ekoizpen-prozesua optimizatzeko eta produktuaren kalitatea, segurtasuna eta osotasuna ziurtatzeko eredu prediktibo eta preskriptiboak garatzea: bai enpresaren barruko prozesuaren mailan (adibidez, prozesuaren eraginkortasuna hobetzea), bai balio-katearen mailan (prozesuen artekoa).
• Enpresatik edo balio-katetik kanpoko datuak sartzea, merkatuaren, bezeroaren eta sare sozialen, klimaren eta ingurunearen eta abarren datuak barne.
– Ekosistema bat ezartzea/Katearen konektibitatea/Business Intelligence:
• Datuak partekatzeko eta IPR (jabetza intelektuala eta industriala) ekosistemako eragileekin kudeatzeko plana definitzea.
• Merkatuaren eta kontsumitzaileen eskariaren zaintza eta prospektiba denbora errealean.
• Hornitzaileekin, bezeroekin eta azken erabiltzaileekin (adib. kontsumitzailea) lehen harreman digitalak garatzea (adib. eskariaren araberako eskaeren automatizazioa…).
• Banakako kudeaketa proaktiboa duen arreta-sistema bat inplementatzea azken bezeroarekiko edo erabiltzailearekiko (adib., kontsumitzailea).
• Kateko gainerako katebegiekin, hornitzaile nagusien informazio-sistemekin, bezeroekin eta kateko beste eragile batzuekin integratzea.
• Informazio partekatuaren trazabilitate-, kalitate-kontrol- eta subiranotasun-sistema ezartzea.
• Negozio-eredu berriak sortzea, datu adimendunen kudeaketatik eta tratamendutik abiatuta.
• Open Data plataformen garapenak, berrikuntza kolaboratibora, gardentasunera, komunikaziora… bideratuak.
– Eskuratutako tresnak abian jartzeko beharrezkoak diren prestakuntza-jarduerak.
INFORMAZIO GUZTIA:
https://www.euskadi.eus/web01-bopv/es/bopv2/datos/2024/08/2403986a.shtml
Argazkia: Freepik - freepik.es
